Глумецот Лазар Бараков, кој лани стана дедо, замина за Германија за да го види внукот Стефан. Тој на „Фејсбук“ се пофали дека со неговата ќерка Викториа ќе одат во Висбаден, град во централниот дел на Германија. Глумецот не ја криеше радоста што ќе оди да го види својот внук и се сликаше на аеродромот.
„Внучето Стефан нè чека на гости“, напиша 66-годишниот актер, најпознат по улогите во „Македонски народни приказни“ и „Трст виа Скопје“.
Стефан е прв внук на Бараков. Глумецот е оженет за Лилјана, со која има три деца, ќерките Македонка и Викторија и синот Александар.