Легендарниот Тозовац веќе никогаш нема да може да пее

Легендарниот српски пејач, Предраг Живковиќ Тозовац (84), кој лани во мај ги оперираше артериите на вратот, откри дека никогаш веќе нема да може да пее во живо, бидејќи го изгубил гласот. По операцијата, тој не можел ни да зборува, но откако го повратил говорот, сфатил дека не може да пее во живо.

„За жал лекарите за време на операција ми ги упропастиле гласните жици. На почетокот имав проблеми со говорот, но за среќа ми се врати. Зборувам нормално, но не можам да пеам. Сега можам само да потпевнувам“, рекол пејачот, кој одбил да оди на операција на гласните жици.

„Ми предложија интервенција на гласните жици, но бев скептичен. Се надевам дека со тек на време сами ќе се опорават. Да сум помлад неколку децении вероватно би страдал затоа што не можам да пеам, бидејќи музиката е мојот живот. Вака, работите се полесни“, раскажал Тозовац.

Тој тодал дека би сакал повторно да запее, но и дека без пеење, живее како во најубавите денови од младоста, излегува по кафани и полн е со енергија.

„Се надевам дека гласот ќе ми се врати. Кога би ја немал таа надеж би умрел“, рекол тој.