Пирс Броснан ја има својата прва улога како суперхерој. Имено, глумецот ќе ја толкува улогата на д-р Фејт (Судбина) во филмот „Црниот Адам“, на продукциските куќи „ДЦ“ и „Њу лајн“ – филм со Двејн Џонсон во насловната улога.
Ликот кој ќе го игра Броснан, Д-р Фејт, со алтер-его Кент Нелсон, е основач на „Друштвото на праведните“ кој добива супермоќи преку „волшебниот шлем на судбината“.
Другите улоги ќе ги глумат: Алдис Хоџ (како Хокман), Ноа Сентинео (Атом Смашер), Квинтеса Свиндел (Сајклон) и други.
Филмот „Црниот Адам“ е во режија на Жом Колет-Сера. Додека пак Рори Хајнс и Сохраб Ноширвани го напишаа последниот нацрт на сценариото, а Адам го напиша првичното сценарио.
Последно што излезе од поранешниот агент Џејмс Бонд, кој сега ќе стане супер херој, беше комедијата „Евровизија“ на Вил Ферел која што излезе лани.