Глумецот Нечати Сасмаз, кого публиката го знае по улогата на Полат Алемдар од серијата „Долина на волците“, е осуден на 12 години затвор. Судот во Турција го осуди бидејќи тој во бракоразводната постапка приложил аудио-снимки од апликацијата „Ватсап“ од телефонот на неговата жена, а кои ги добил неовластено.
Бидејќи долго време биле во процес на развод, Нечати ги искористил аудио-снимките да докаже дека сопругата Нагехан го изневерила. Но таа го тужела него за хакерски напад и новластено објавување лични податоци. Судот пресудил во нејзина полза, бидејќи повредата на приватноста и хакирањето на социјалните мрежи, како и објавувањето приватни информации, според турскиот закон е сериозно кривично дело.
Актерот има право на жалба, но според турските медиуми, таа најверојатно ќе биде одбиена, па тој ќе мора да ги отслужи 12. години во затвор.