Последната порака на Доли Партон: Постхумно прими награда за животно дело во видео снимено пред смртта

Легендарната Доли Партон постхумно ја прими наградата за животно дело на церемонијата „Americana Honors & Awards 2026“, преку емотивна видеопорака што ја снимила пред својата смрт.

Пејачката на безвременскиот хит „Jolene“, која почина на 25 август, во видеото изјави дека е „исклучително почестена“ што го добива престижното признание.

„Коренската музика, или она што денес се нарекува американа, е музиката со која пораснав и која ја свирев во планините Смоки“, рече Партон.

Таа се присети дека токму таа музика ја вратила во Источен Тенеси во 1997 година, кога го напишала и снимила албумот „Hungry Again“.

„Тој проект навистина ја отвори вратата за серија блуграс и акустични албуми, кои на многу начини го променија текот на мојата кариера“, раскажа музичката ѕвезда.

Партон истакна дека е особено среќна што нејзините албуми ги откриле и прифатиле нови генерации обожаватели. Поради тоа, овој период од својата кариера го опиша како своевидна „музичка ренесанса“.

„Сакам да им се заблагодарам на сите во Американа музичката асоцијација што ме препознаа со оваа награда. Тоа е навистина голема чест и само знајте дека секогаш ќе ве сакам“, порача Партон на крајот, повикувајќи се на насловот на својот легендарен хит „I Will Always Love You“.

Пред прикажувањето на видеото, нејзината долгогодишна пријателка Емилу Харис одржа емотивен говор за животот и наследството на Партон.

„Таа беше една од нашите најголеми текстописци на сите времиња, но подеднакво силно блескаше и на сцената. Го осветлуваше телевизискиот екран, а потоа и филмското платно“, изјави 79-годишната Харис.

Според неа, прекрасниот и чист планински глас на Партон можел да ја расплаче публиката, а веќе во следниот момент да ја насмее со некоја внимателно одбрана шега, понекогаш и на сопствена сметка.

„Не постоеше нешто што Доли не можеше да го направи – и затоа го направи сето тоа“, додаде Харис.

По видеопораката, почитта кон музичката икона заврши со изведба на нејзината песна „Coat of Many Colors“, која ја отпеаја Бренди Карлајл и групата „I’m With Her“.

Доли Партон почина на 25 август, на 80-годишна возраст, по тајна битка со рак. Три дена подоцна беше погребана на приватна церемонија во Нешвил, Тенеси.