пред 2 години На 56 години почина германската супермоделка Татјана Патиц, една од најславните манекенки на 1980-те и 1990-те, објави „Вог“. Сѐ уште не е позната причината за смртта.
Манекенката беше најпозната по соработката со „Вог“ како и по главната улога во спотот на песната Freedom на Џорџ Мајкл од 1990, во кој беше заедно со првите супермоделки Синди Крафорд, Линда Еванџелиста и Кристи Тарлингтон. Се прослави по соработката со славните фотографи, меѓу кои и Херб Риц.
„Никогаш не си ја прододадов душата“, изјави манекенката во интервју во 2020 година.
Живееше повлечено во Калифорнија со синот и сопругот, каде се грижеше за своите животни.
Патиц е родена во Хамбург, со татко од Германија и мајка од Естонија, која детството го поминала во Шведска.
„Татјана секогаш беше европскиот симбол на шик, како спој на Роми Шнајдер и Моника Вити. Таа беше многу помалку видлива од нејзините врсници – помистериозна, повозрасна, понедостижна – и тоа имаше своја привлечност“, изјави Ана Винтур, уредничката на „Вог“.
Би можело да ве интересира
Најевтините туристички атракции во светот според „Трип Адвајзер“
Влатко Стефановски донираше музички материјали на универзитетот „Гоце Делчев“ во Штип
(Видео) Новинарка побара прегратка од Зеленски среде прес
Популарна тиктокерка загина во сообраќајна несреќа, а возачот што го предизвикал судирот избегал од местото на несреќата
(Видео) Пике пати по Шакира, продолжи да ѝ ги слуша песните во кола
Членовите на „Рибља чорба“, нема да присуствуваат на кремирањето на Миша Алексиќ
