Рис Витерспун е најбогата актерка во Амерка, има богатство од 440 милиони долари

На листата на најбогати жени во Америка што ја објави магазинот Форбс, Рис Витерспун се најде на 59. место. 47-годишната Витерспун во последните години се покажа како многу способна бизнисменка. Прецизната листа на магазинот Форбс ја позиционираше на 59. место на најбогати. Таа е помеѓу Доли Партон и Барбра Стрејсенд, а нејзината нето вредност е неверојатни 440 милиони долари.

Во 2016 година, таа ја основа медиумската компанија Hello Sunshine, која има продуцирано наградувани филмови и ТВ емисии, вклучувајќи Gone Girl, Big Little Lies, Daisy & The Six и Little Fires Everywhere.

Ја основала и продуцентската куќа Pacific Standard, сакајќи да обезбеди сериозни филмски улоги.

– Мислам дека тоа беше единственото студио кое имаше проект за главна женска улога над 30 години – изјави актерката за списанието Variety.

Таа го продаде Hello Sunshine во 2021 година за 900 милиони долари. Актерката сè уште поседува околу 18 отсто од компанијата.

Таа, исто така, го основаше литературниот клуб Reese’s Book Club, кој се занимава со зајакнување на кариерата на писателките.

Рис Витерспун е високо платена филмска и ТВ актерка. За ТВ серијата The Morning Show таа заработи 1,2 милиони долари, а за секој филм снимен во периодот од 2001 до 2012 година заработи минимум 15 милиони долари.

Во моментов се подготвува продолжение на филмскиот хит „Legally Blonde“ кој би можел да ја направи актерката уште побогата.