Сегеа знам кого да повикам во репрезентација, рече Лазаров по победата и пласманот на Европско

Со победата над Турција од 30:27 Македонија обезбеди пласман на Европското првенство следната година во Германија. Селекторот Кире Лазаров не го криеше задоволството од триумфот и рече дека сега работите му станале појасни за тоа кого ќе викне во репрезентацијата за во Германија.

„Победивме, но многу потешко од очекувањата. Во овој тим на Турција имаше двајца поквалитетни ракометари за разлика од првиот меч. Сепак, одлика на големите екипи е да се вратат после минус четири и да победат. Но, мислам дека овој натпревар у ми ги отвори очите. Некои работи нема да се толерираат, ќе мора да се менуваме многу во иднина, а јас че знам кого да повикам, или не, во репрезентацијата“, изјави селекторот Кире Лазаров по триумфот над Турција.

За потсетување, Гоце Георгиевски го одигра последниот натпревар во дресот на Македонија. Со капитенската лента на раката, реализираше од седум метри и го даде последниот гол на натпреварот за Македонија.