пред 2 години Виртуозот на пијано, маестро Симон Трпчески, го објави „Варијации“, првиот самостоен албум за британската издавачка куќа „Лин рекордс“. На албумот се наоѓаат дела од Бетовен, Моцарт и Брамс.
Ова доаѓа по проектот „Македонисимо“ и албумот со филхармонискиот оркестар „Јаначек“ од Острава.
„Убаво е кога убави нешта се случуваат и во вакви предизвикувачки времиња. Овој албум е снимен во февруари минатата година во една идилична атмосфера во Берлин, но со многу тешкотии поради многуте протоколи и ограничувања за патување. Албумот го нарековме ‘Варијации‘ и содржи не толку често изведувани дела, дела од кои самите композитори биле инспирирани“, рече Трпчески во интервју за Македонското радио.
Трпчески во април ќе ги продолжи рециталите во САД и ќе ги одржи презакажаните настапи со Кралскиот шкотски национален оркестар во Единбург и Глазгов. Тој потоа ќе има и концерти со Сиднејскиот симфониски оркестар, премиерите на „Македонисимо“ во Хрватска и во Северна Америка, но и гостувања во Пјонгчанг и Чикаго, пренесе Здружението за култура и уметност „КултурОп“.
Би можело да ве интересира
Музичарите од Филхармонија се стокмија во костуми и свечени фустани за новиот програмски каталог
Серхио Агуеро објави крај на кариерата, фудбалерот се расплака на прес-конференцијата
Мис Невада ќе биде првата трансродова жена што ќе се натпреварува за Мис на САД
Селфи за слобода: Ребека и Мики на протестите во Скопје
Џеј починал од срцев удар
Мексиканска глумица криела дека има дете со претседателот
