Телескопот „Џејмс Веб“ фотографира галаксија слична на Млечниот Пат

Астрономите од Европската вселенска агенција со вселенскиот телескоп Џејмс Веб фотографираа спирална галаксија која наликува на Млечниот пат. Ѕвездениот систем наречен LEDA 2046648 е оддалечен милијарда светлосни години од нас, во соѕвездието Херкулес и содржи илјадници галаксии, милијарди ѕвезди и безброј планети.

Сликата беше објавена во „Њујорк тајмс“, а вселенската агенција ја опиша фотографијата како обична слика за калибрација која ја потврди способноста на телескопот кој се подготвувал за научни операции. Сликата е направена лани на 22 мај 2022 со инфрацрвена камера (NIRCam) која е дел од телескопот James Webb. Оваа камера може да ги детектира подолгите инфрацрвени бранови должини произведени од светлината од ова растојание. Redshift го опишува растегнувањето на брановата должина на светлината додека се оддалечува од нас и се зголемува додека не се појави поцрвено од очекуваното. Ова се случува поради проширувањето на вселената, а далечните системи како LEDA 2046648 продолжуваат да се оддалечуваат од Земјата.

Повеќето од видливите дамки кои го опкружуваат гореспоменатиот систем се исто така галаксии, иако неколку ѕвезди може да се препознаат по нивните дифракциони шила. Некои предмети на фотографијата можеби се стари дури 300 милиони години по Големата експлозија. Фотографија од сè што е оддалечено милијарда светлосни години значи дека гледаме во светлината на галаксијата од пред милијарда години.