пред 2 години 113 милиони евра приход во 2022 година остварија компаниите во сопственост на Кочо Анѓушев коишто се во групацијата Фероинвест/Централинвест, во која припаѓаат и фирмите БРАКО и РЕС.
Наведениот приход претставува раст од дури 135% споредено со 2021 година.
Растот на компаниите се должи, пред се, на зголемена продажба на електрични и хидрогенски возила за чистење, зголемениот број на изградени сопствени електрани од обновливи извори (фотонапонски и биогас), изградба на електрани за други инвеститори, како и на снабдувањето со електрична енергија на македонското стопанство.
И покрај отежнатите услови за работа и економската криза, групацијата во 2022 година отвори 42 нови работни места и вложи 28 милиони евра во инвестиции.
Покрај во изградба на електрани, инвестиции беа направени и во проширување на фабриките и модернизирање на технологијата во склоп на БРАКО, каде се произведуваат возила, медицинска опрема, жичени производи и метални конструкции.
Холдингот лани го зголеми и бројот на држави каде што извезува и во моментот ги продава своите производи во 60 земји низ светот, успешно натпреварувајќи се со конкуренција од најпознатите светски брендови.
Би можело да ве интересира
(Видео) Туристички блогер од Србија воодушевен од Охирд: леташе параглајдер, ги посети изворите на Црн Дрим и веслаше кајче
Како настана безвременскиот музички хит „Џабе живиш у Скопје“?
„Нешнал Џиографик“ ја објави листата со најдобри дестинации за 2023
(Видео) Воз удри во тинејџер додека снима видео за „Инстаграм“
(Видео) Австралискиот третман кон Ѓоковиќ е политички, тој треба да биде ослободен, вели Брнабиќ
„Здраво млади“ вечерва во паркот во МКЦ
