пред 3 години Конечно се разреши мистеријата за маж кој исчезнал пред дваесет години, откако Гугл Мапс сними потонат автомобил во езеро, во близина на Палм Бич, Флорида.
Потрагата по исчезнатиот Вилијам Молт започнала на 8. ноември 1997 година, но не дала никакви резултати, сè додека еден маж на мапата на Гугл не забележал потонат автомобил во езерото и ја известил полицијата.
Кога полицијата пристигнала на местото на несреќата во Велингтон, открила дека автомобилот бил во вода подолго време, со оглед на тоа во каква состојба бил пронајден. Откако го извлекле од езерото, пронашле посмртни останки кои припаѓале на исчезнатиот Молт.
Тој за последен пат бил виден кога го напуштил ноќниот клуб во кој се забавувал. Околу 21:30 часот ѝ се јавил на девојката и ѝ рекол си оди дома, но никогаш не стигнал. Најверојатно Молт изгубил контрола над возилото и влетал во езерото.
Според The Charly Project, онлајн база на податоци која собирала податоци за случаи во САД, автомобилот бил видлив повеќе од 10 години. Додека еден неодамнешен извештај тврди дека сателитските снимки од возилото биле достапни на Гугл од 2007 година, но дотогаш никој не наишол на нив.
Би можело да ве интересира
Рецепт за домашен интегрален леб
(Видео) Тајзи со песната „Иронија“ го најави новиот албум
Фрлањето на знамето нема да го оценам како злонамерен инцидент, вели шефицата на делегацијата Мери Попова
Принцот Чарлс го превзеде тронот покрај кралицата Елизабета Втора
Европското првенство во фудбал ќе се игра само во една држава
Јуриј Гагарин загина на 34. години, неговата смрт до ден денес остана голема мистерија
