Хороскопски знаци кои никогаш не се заљубуваат

Јарец

На Јарците им треба најмногу време да се вљубат бидејќи кога станува збор за љубовта, тие се најтврдоглави. Јарците сметаат дека секогаш треба да избираат помеѓу љубовта или кариерата – нешто што не е воопшто точно. Тие дефинитивно мораат да сфатат дека со вистинската личност, можат да имаат и прекрасна врска, и време да ѝ се посветат на кариерата.

Водолија

Кога ќе се вљубат, Водолиите се совршени партнери. Но, додека да стигнат до таа фаза, може да помине многу време. Водолиите се вљубуваат бавно најмногу бидејќи скоро секогаш се затвораат штом ќе сфатат дека некоја личност многу им се допаѓа. Некогаш се плашат дека ќе изгубат контрола, а некогаш им е страв да бидат премногу отворени со некого. Но, ако не го променат овој став, целиот живот ќе имаат проблеми со љубовта.

Девица

Девиците си поставуваат премногу прашања што не им дозволуваат да се вљубат. Што ако врската не функционира? Што ако залудно трошат време на партнерот кој не може да им даде сè што сакаат? Што ако тие се вљубат, но партнерот не ги возврати чувствата? Девиците бараат проблеми каде што нема, па затоа воопшто не се брзаат кога станува збор за љубов.

Лав

Лавовите можат да бидат прекрасни партнери, но генерално им е тешко да се вљубат. Тие се плашат дека ќе ја изгубат контролата доколку се вљубат, па постојано бараат причина да се движат побавно. Сепак, мора да го надминат ова ако сакаат да го најдат вистинскиот партнер.

Близнаци

Близнаците минуваат толку многу време обидувајќи се да се разберат себеси, што обично немаат време да го направат тоа за некој друг. Тие, едноставно, не знаат што сакаат и што очекуваат од партнерот, па вљубувањето им претставува проблем. Сè додека не најдат одговори за себе, Близнаците ќе имаат тешкотии со вљубувањето.

Скорпија

Како повеќето знаци, и Скорпиите можат да бидат одлични партнери, но обично се воздржани на почетокот од врската. Скорпиите се таинствени, приватни, љубоморни и тврдоглави. Тие не сакат да бидат повредени и мразат игри, па избегнуваат да преземаат ризици во љубовта. Сепак, за некои личности вреди да се ризикува, а Скорпиите мораат да го сфатат тоа.

Риби

На Рибите не им е тешко да се вљубат во новиот партнер. Проблемот е што дури и кога се вљубени, лесно може да им се одвлече вниманието кон друга личност. Рибите не се вљубуваат бавно, но нивната вљубеност најчесто не трае долго.

Вага

Вагите се вљубуваат релативно брзо. За нив единствено е важно добро да ја запознаат личноста и да се осигураат дека гледаат иднина со неа, а потоа вљубувањето е неизбежно. А, штом ќе се вљубат, даваат сè од себе за врската.

Стрелец

Стрелците се вљубени во љубовта и не размислуваат многу дали треба или не треба да се вљубат во новиот партнер. Поради ова, некогаш избрзуваат со одлуките и се посветуваат премногу на врска која е осудена на пропаст, но нив не им пречи ова. За нив, секоја нова врска е како нова авантура која им дава нова можност за љубов.

Овен

Овните сакаат авантури и возбудливи искуства, а љубовта им го нуди токму тоа. Па, нив не им е потребно многу време за да се вљубат во партнерот. Штом ќе се родат чувства, Овните го опсипуваат партнерот со љубов, но слично како Рибите, брзо губат интерес.

Рак

Не е ни чудно што Раковите се речиси на врвот на листата – тие се вљубуваат брзо и љубат интензивно. Раковите се во допир со нивните емоции и вистински ја ценат љубовта. Дури и ако биле повредени безброј пати во минатото, тие секогаш се подготвени за нова љубов.

Бик

Од сите знаци во зодијакот, Биковите се вљубуваат најбрзо. Тие имаат огромно срце и во себе имаат многу љубов која едвај чекаат да ја споделат. Иако некогаш љубомората може да им создаде проблеми, Биковите се вљубуваат речиси веднаш.