Чевлите на платформа пак се ин: „Сексот и градот“ пак диктира мода

Чевлите на платформа пак се ин: „Сексот и градот“ пак диктира мода

пред 3 години

Уште на самиот почеток од снимањето на новите 10 епизоди од серијата „Сексот и градот“, главните херојки од серијата веќе почнаа да диктираат модни трендови. А доказ за тоа се и чевлите на платформа, кои благодарение на нив се враќаат на сцена.

Холивудската актерка Сара Џесика Паркер, која ја глуми култната модна икона Кери Бредшо, се појави во чевли на XL-платформа со дебела потпетица, модел на Мери Џејн.

Покрај тој модел, таа носеше и сандали на платформа со потпис на Сен Лоран, а сличен модел носеше и нејзината колешка Синтија Никсон, односно Миранда Хобс.

Чевлите на платформа беа ултимативен тренд во 90-тите, но набргу беа соборени од поелегантните модели на чевли, односно со пониски потпетици без платформа.

Изминативе години можеа да се забележат само во ретки пригоди, а некои од ѕвездите никогаш не се откажаа од нив, како, на пример, латиноубавицата Софија Вергера.

 

Share
Scroll to Top