Ѓоковиќ ја искина маицата по победата на Алкараз во финалето на Синсинати

Новак Ѓоковиќ го победи Карлос Алкараз во неверојатен пресврт во финалето на Синсинати со резултат 5-7, 7-6 (7), 7-6 (4). По мечот, Ѓоковиќ во еуфоријата ја искина маицата, а потоа го тешеше Алкараз кој плачеше и емотивно го поднесе поразот.

„Лудо, не знам што друго да кажам. Тешко е да се опише. Еден од најтешките натпревари во мојот живот. Не е важно кој турнир, категорија, ниво, играч. Неверојатно, од почеток до крај. И двајцата поминавме низ толку многу подеми и падови. Сè на сè, еден од најтешките и највозбудливите натпревари. Поради вакви натпревари и вакви моменти, продолжувам да играм и работам секој ден. Имам толку многу да кажам и толку малку енергија. Морам да му оддадам признание на Карлос. Тој е голем човек и шампион. Многу играчи никогаш не успеале да дојдат до тој момент во целата кариера, а тој го направи тоа во само две години. Никогаш не се откажува и го сакам тоа кај него, но би сакал некогаш да одиграме и полесен меч. Шпанецот никогаш не умира, тоа веќе го почувствував“, рече Ѓоковиќ и му се заблагодари на тимот за поддршката.

„Понекогаш не знам како ме поднесувате, но ви благодарам. Ова беше ролеркостер, изгледаше како финале на гренслем, дури и повеќе од тоа. Секој натпревар што го играме еден против друг е луд. Се надевам дека ќе играме во Њујорк за неколку недели. Тоа би било убаво за публиката, но не знам дали би било добро за мене“, рече Ѓоковиќ.