81-годишен пензионер ѝ свири серенада на сопругата под болничкиот прозор оти не може да ја посети

Сопругата на 81-годишниот Стефано Бозини се наоѓа во болница, но тој секој ден ѝ свири под прозорецот бидејќи не може да ја види. Бозини не може да ја види својата сопруга Карла Саки поради пандемијата на коронавирусот, но ѝ свири на хармоника, а таа го слуша од прозорецот на болничката соба.На репертоарот на Стефано се нашла и „Spanish Eyes“ на Енгелберт Хампердинк која, меѓу другото, ѝ е омилена песна на Карла.

Според италијанската новинска агенција „ANSA“, Бозини е пензиониран припадник на италијанската војска, а шеширот е дел од неговата униформа. Неговата единица му го дала прекарот „Џани Моранди од Алпите“ бидејќи постојано свирел хармоника.

Стефано и Карла се венчале во 1973 година.