Global Game Jam – 48 часовен маратон во креирање видео игри се одржа во Скопје по 14. пат

По 14. пат, се случи 48 часовниот маратон во креирање на видео игри Global Game Jam 2026 Skopje организиран од Асоцијација на македонската индустрија за видео игри – МГИ.

И овој пат, скопскиот Global Game Jam ја зголеми бројката на учесници за дури 38 проценти. Досега рекорден број од 132 учесници на една локација, се формираа 25 тимови, а тие направија неверојатни 25 игри, од кои 22 видео игри и три бордгејмови.

Темата за оваа година беше „Маска“, а истовремено се случуваше во 132 земји во светот, каде глобално учествуваа 474,517+ учесници, а се креираа 101,246+ игри.

Global Game Jam се случува секоја година, на последниот викенд во јануари и е најголемиот двигател на индустријата за развивање на игри во Македонија.

Наградите отидоа во тастатурите, маусите, пен таблетите и звучните карти на следните тимови – игри:

🏆 Најдобра игра на GGJ26Skopje: CBT – SAM

⚙️ Награда „Епско кодирање“: The Unfortunate 7 – Dalewood’s Masquedare

🎨 Награда „Пиксел перфект изведба“: Elon Mask – Mask of Life

🎸 Награда „Мик Гордон“ за гејм-џем саундтрак: Team Nespieny – Disguised Gladiators

🛹 Најдобра друштвена игра (board game): Luku Kroko – Warmask

🌱 Надежни џемери – ѕвезди во подем: Lab Rats – Masked Descent

Што е Global Game Jam?

Global Game Jam е најголемиот светски џем за видеоигри – тридневен предизвик каде што учесниците во истиот период ширум планетата работат на создавање сосема нови видеоигри. Целта е да се поттикне креативноста, соработката и иновативноста, овозможувајќи им на учесниците да го споделат своето знаење и вештини.