(Видео) Босанец си ги сака овците повеќе од жените: Досега три сопруги ме оставија поради нив

Чувањето овци отсекогаш било тешка, но и чесна работа, која можеле да ја работат само одговорни и посветени луѓе. А колку е тешко, најдобро зборува еден маж од Босна, кој во животот бил разведен три пати, само затоа што работи како овчар.

Селван Мелвудин заработува овчар во ливадите на планината Влашиќ, во градот Мудрика, во Босна и Херцеговина. Неговата животна приказна најдобро ги илустрира животните предизвици со кои се соочуваат овие планинари од природата.

Мелвудин познат и како Будо пред новинарот на Среќко Стиповиќ откри детали за работата, како живее, колку ги сака овците, но и како е да се биде овчар.

„Јас сум Селван Мелвудин, познат како Будо. Имам околу 180 овци овде. Молзам, фала богу, а го молзите и газдата. Задоволен сум од шефот, а и тој е задоволен од мене. Годинава сирењето ќе поскапи. Иако го имаме ќе поскапи двојно повеќе. Ќе стине до 20 марки. Во овој наш кантон, јас сум единствениот овчар на ова плато. Не би менувал местово за ниту една друга работа во фирма. Не сум подготвен да работам на друго место, ако некој ми даде да работам во некоја фирма. Само за оваа работа сум создаден. Ја познаввм и ја работам од четврто одделение. Задоволен сум и од газдата и од платата и од семејството на газдата“, вели Мелвудин.

На прашањето зошто денес има помалку овчари, објасни дека сите трчаат само по канцеларии и додаде дека не би се сменил ниту со претседателот на Босна и Херцеговина.

„Не сакаат луѓето да работат. Не знам зошто. Мислат дека имаат некоја друга работа. Но, ако си ја научил оваа работа, тогаш тоа е твоја работа. Толку години го работам ова, уште од четврто одделение, имав свои овци уште пред војната и сите го знаат тоа. Не би се менувал ни со претседателот, ми се допаѓаат овие овци и местово. Сега да ми речат да рабтам на некоја пумпа ќе одбијам“, вели Будо.

Тој го пофали газдата иако платата му е релативно мала, само 800 км, околу 400 евра, а нема ни здравствено осигурување. Сепак рече дека газдата секогаш му излегува во пресрет, без разлика колку пари ќе побара.

„Во овците нема нешто што не ми се допаѓа. Сакам сè за овците. За еден месец дома сум само две ноќи. Да му речам сега на газдата дај ми 5000 марки ќе ми ги даде. Нема таков газда на ова плато на Влашиќ“ открива Будо.

Сепак, ваквиот начин на живот му донел три разводи. Но, тоа не му пречело премногу, бидејќи повеќе сака овци и да биде овчар, отколку да биде во брак.

„Во моментов не сум во брак. Бев три пати, но сега не сум. Никоја не сака овчар за маж. Сите сакаат господин човек, да има автомобил. Јас немам ни положено за возачка. Им велам госпоѓи повелете и тие одма си одат. Кога би требало да бирам помеѓу жени и овци, би ги избрал овците. Сакам овци и сакам да ги хранам. Ми се допаѓа овцата да ми е добра и шефот да ми е задоволен“, рече Мелвудин.