Во новиот музеј во Ротердам изложени се 151.000 дела и предмети во 5 климатски зони

Градот Ротердам постави нов глобален тренд со изградата на новата зграда на музеј-складиште во кој се изложени 151.000 дела и предмети во пет климатски зони. „Бојмас фан Бојнинхен“ е музеј на иднината и во него е сместено целото уметничко богатство на 2 холандски колекционери.

Во него има повеќе од 63.000 слики, скулптури, фотографии, филмови, инсталации и прединдустриски и дизајнерски предмети, како и 88.000 цртежи и принтови.

Во музејот се складирани и делата на Ван Гог до Дали, кои претходно се чуваа во стариот музеј.

Новата зграда е обложена со стотици огледала, а целата изградба чинела 55 милиони евра. Рефлектирачката фасада е направена од 6.609 квадратни метри стакло. поделено на 1.664 панели. Посетителите кога ќе влезат внатре ќе мораат да носат заштитни мантили.

Тие ќе можат да се движат низ пет различни климатски зони. Секој кат е со различна клима, приспособена за метал, пластика, хартија и црно-бела и колор фотографија, што овозможува артефактите да бидат складирани и изложени на соодветни температура и влажност.

„Ќе одите низ колекцијата како кога отиде во библиотека барајќи една книга, а наоѓате три. ‘Бојманс‘ поставува глобален тренд. И други престижни музеи планираат своја верзија на складиште“, вели Сјарел Екс, еден од директорите на музејот.