пред 3 месеци Фестивалот на комедијата „Гола месечина“ по 11. пат ќе се одржи во Општина Аеродром од 10. до 14. септември, а овој пат театарските завеси пред публиката ќе бидат кренати во паркот „Авионче“.
Годинешното издание на фестивалот е во духот на стенд-ап настапите на познати актери и комичари кои се веќе докажани и препознатливи уметници кај љубителите на театарската уметност, како и на добрата смеа и забава кои традиционално се препознатлив знак за „Гола месечина“.
Свеченото отворање на фестивалот ќе биде на 10. септември, вторник, кога ќе настапат Антонио Ташковски и Никола Тодоровски.
На 11. септември, среда, публиката ќе ужива со настапот на „Импров група“ и неверојатните Наталија Теодосиева, Тони Денковски, Григор Јовановски, Дамјан Цветановски, а водител на вечерта ќе биде Борјан Стојков.
Потоа, на 12. септември, четврток за добра забава на публиката ќе се погрижат Мирослав Петковиќ, Чедомир Митевски, Марио Поповиќ и Мишо Димитриевски од „Кабаре Кабает“.
Во петок, 13. септември свој стенд-ап настап ќе имаат Бојан Велевски и Бојан Кирковски, а на 14. септември фестивалот ќе го затворат познатите Мишо Бабиќ од Србија и Марјан Ѓорѓиевски.
Настапите започнуваат во 20:00 часот, а влезот е бесплатен и неограничен за сите граѓани.
Општина Аеродром и НУ „Театар комедија“ ве покануваат на уште едно незаборавно дружење и меѓусебно ширење на позитивна енергија.
Би можело да ве интересира
Глумец од „Нетфликс“ им се приклучи на колегите во штрајкот во Холивуд: Возам „Мазда“ од 2010 и едвај го прехранувам семејството
Почина славниот комичар Бери Хемфрис по компликации од операцијата
(Галерија) Модната класика победи на црвениот тепих, дамите избраа црно за филмскиот фестивал во Берлин
Милчо Манчевски ја доби наградата „Живојин Жика Павловиќ“ на Меѓународниот фестивал за режија во Лесковац
Крадци провалиле во домот на Дејвид и Викторија Бекам во Лондон
„Недела, а тебе со нас те нема“: Пријателите се простуваат од Џеј
