пред 2 години Легендарниот глумец Ентони Хопкинс прослави 47 години откако е трезен. За таа пригода сними кратко видео во кое сподели што мисли за алкохолизмот и општо за животот.
„Само сакам на сите да им посакам среќна нова година и да ви се пофалам дека денес ја славам 47 трезна година. Ова е порака која не е тешка, но се надевам дека ќе биде корисна. Јас сум лечен алкохоличар и знам дека има луѓе кои се борат. Во оваа доба на откажувања и омраза без компромиси, на децата кои се малтретирани само ќе им порачам да бидат добри кон себе си, да бидат љубезни и да се држат подалеку од токсични луѓе. Живејте го животот. Бидете горди на себе“, рече Хопкинс.
Глумецот се потсети и на времето пред пет децении пред да се отрезни. Рече дека тогаш верувал дека нема уште долго да живее, но дека дошол ден кога конечно си признал себе си дека нешто не е во ред и дека мора да се промени.
„Алкохолизмот не го разбирав како некој вид состојба, ментална, физичка, емоционална. Не го сваќав ни го зависност. Не сум експерт за дрога, ниту пак за било што, но знам дека сега најдов живот во кој никој не ме малтретира“, рече Хопкинс.
Им се обрати и на младите кои доживеале и биле злоставувани.
„Сакам да ви порачам на сите вас млади кои сте малтретирани. Да внимавате и да бидете горди на себе си. Не ги слушајте другите. Не дозволувајте да ве понижуваат. Депресијата е дел од животот, понекогаш и анксиозноста. Животот е тежок“, рече Хопкинс и рече дека е важно да се побара помош.
Ги советуваше младите да разговараат со некои во кои веруваат или со професионалци кои ќе им помогнат да го најдат вистинскиот пат.
„Каде и да сте, побарајте помош. Немојте да се срамите. Бидете горди на себе, што и да направите. Не дозволувајте некој да ве понижи“, рече глумецот.
Неговите зборови допреа до голем број ѕвезди и познати колеги, а особено емотивна беше манекенката Наоми Кембел која призна дека ѝ станал инспирација на патот кон лекувањето. На коментарите им се приклучија и Алек Болдвин, Хју Џекман и Мајкл Даглас.
Би можело да ве интересира
Љубоморна жена ја нападнала Ивана Кнол затоа што нејзиниот партнер не можел да го тргне погледот од неа
Од НАСА открија уште едно место во Сончевиот систем каде има можност за живот
(Видео) Можам сам да си купам цвеќе: Вучиќ се вклопи во песната на Мајли Сајрус
Жена ја ограбила куќата на Роберт де Ниро додека глумецот бил внатре
Бил Гејтс и неговата најмала ќерка заедно се појавија на настан во Њујорк
Борјан Бранковски на 21. место во пукање со воздушен пиштол во Токио, со што се пласира пред олимпискиот првак од Рио
