Инстаграм конечно ја прилагоди апликацијата за на компјутер

Инстаграм го прилагоди својот приказ за на компјутерски екрани, иако првенствено апликацијата е наменета за мобилни уреди. Компанијата постојано развива нови опции и ги надградува постоечките за да го подобри корисничкото искуство за своите речиси две милијарди корисници. Понекогаш овие промени и тестови не одат добро, како неодамнешната промена на алгоритмот што сакаа да го направат Инстаграм повеќе како Тик-ток. 

Првиот ваков новитет ќе го поздрават професионалните корисници и инфлуенсери кои објавуваат повеќе фотографии и видеа дневно, кои мора однапред да ги подготват за објавување.

Во моментов, алатките од трети страни или Метин бизнис суит се користат за закажување на такви објави, но Инстаграм сега ќе дозволи закажување објави директно од апликацијата. Имено, тие претставија посебна алатка во рамките на самата апликација преку која компаниите и креаторите на содржини ќе можат да закажуваат објава директно од Инстаграм на своите мобилни уреди. Новина е и промената на интерфејсот на веб-верзијата на Инстаграм, што секако ќе биде добредојдено од сите корисници на оваа мрежа кои често ги прегледуваат објавите на своите компјутери. Тие промени конечно целосно ќе ги искористат предностите на поголемиот екран, па Инстаграм за веб повеќе нема да изгледа само како намалена верзија на мрежата на паметни телефони.