пред 3 години По 40 години, хрватската дискографска куќа „Кроација рекорд“ го реиздаде алмубот со избор на песни од Блаже Конески, насловен како „Проста и строга македонска песна“. Рециталот е на Цветанка Трпкова, во пијано придружба на Љубомир Бранѓолица.
„Ова е година на големи јубилеи за Македонија. Државата слави 30 години независност и се одбележуваат 100 години од раѓањето на Конески. Кога на тоа ќе се додаде дека и албумот излезе пред точно четири децении, имавме многу добри поводи за негово повторно објавување на цеде токму оваа година“, вели музичкиот уредник во „Кроација рекордс“, Никола Кнежевиќ.
Покрај овој албум, издавачката куќа го реиздаде и албумот „Зафир пее – Македонија пее“ од 1986 година на македонска музичка легенда Зафир Хаџиманов, кој почина во март оваа година од коронавирус.
„Тој знаеше дека повторно ќе го објавиме овој албум, но, за жал, не ја доживеа промоцијата“, додаде Кнежевиќ.
Хаџиманов на албумот компонираше десетина шансони и балади, на стиховите на големите поети како Константин Миладинов, Коста Рацин, Блаже Конески, Аце Шопов и Радован Павловски, Милош Црњански, Душко Радовиќ, Десанка Максимовиќ, Брана Црнчевиќ.
Би можело да ве интересира
Странски инвеститор заинтересиран да го купи Вардар
Бредли Купер нема да дојде на премиерата на неговиот нов филм „Маестро“ на филмскиот фестивал во Венеција
Француска супа за пилешко со зеленчук
Дали мистериозниот дрон кој падна во Загреб е порака за некого? Ист случај настанал во 1987 година во Москва кога еден млад Германец го понижи СССР
Подводната новогодишна елка на дното на Охридското Езеро пак е украсена откако лани пандемијата ја прекина традицијата
Поранешнот водител Гоце Андреевски се венча со својата девојка Даниела
