пред 2 години Кошаркарот на Лос Анџелес Лејкерс, Леброн Џејмс (38), ноќеска стана најдобриот стрелец во историјата на НБА лигата, откако го надмина рекордот на Карим Абдул-Џабар стар 39 години. Пред натпреварот со Оклахома Сити, на Џејмс му требаа уште 36 коша за да го урне рекордот на Џабар од 38.387 поени, а тој даде 38, па сега има 38.389.
Џејмс стана нов рекордер во финишот на третата четвртина. Во тој момент го запреа натпреварот за да оддадат признание.
„Само сакам да ви се заблагодарам вам, верните фанови на Лејкерс. Да можеш да бидеш во присуство на таква легенда каква што е Карим е неверојатно, многу е понизно“, кажа Џејмс.
Џабар го презеде рекордот на 5 април 1984 и потоа играше уште пет години, вкупно 20 сезони. Џејмс исто така е во својата 20. НБА сезона и засега нема најави дека ќе се пензионира.
„Мора да му оддадете признание за начинот на кој планирал да трае и доминира“, изјави Џабар.
Меѓу оние кои му честитаа на Џејмс е и американскиот претседател Џо Бајден.
„Кога читав за историјата на кошарката, никогаш не сум помислил дека овој рекорд може да биде достигнат. Мислев дека никој не може да игра толку долго. И затоа е голема чест да се биде дел од оваа лига и дел од некои од најголемите кои ја играа оваа игра“, кажа Леброн.
Би можело да ве интересира
ФИФА го одби барањето на Зеленски да испрати порака со мир пред почетокот на финалето
Аплауз и овации за Милчо Манчевски на светската премиера на „Кајмак“ во Токио
Мерцедес од 1955 година е најскапиот продаден автомобил во историјата
(Видео) Песната на Дарко Димитров „Радио свири за нас“ дури по седум години ја избраа за најслушана на радио во Србија
(Видео) Кинези изградија десеткатница за 28 часа
Новогодишната елка пред центарот „Рокфелер“ ги разочара Американците
