пред 2 години Жената која го тужеше американскиот пејач Боб Дилан тврдејќи дека сексуално ја нападнал пред речиси 60 години, ја повлече тужбата, според адвокатот на познатиот музичар.
„Случајот е затворен. Среќни сме што тужителот се откажа од симулацијата на правда. Скандалозно беше што воопшто имаше таков случај“, изјави денеска адвокатот Орин Снајдер.
Пред сослушување во њујоршкиот Суд, што требаше да се одржи оваа недела, адвокатот на Дилан рече дека има мејлови кои покажуваат недоследности во тужбата и додаде дека жената отстранила докази кои би ја дискредитирале. Жената чиј идентитет јавно е претставен со иницијалите Ј.Ц., поднела тужба во август минатата година, тврдејќи дека Дилан сексуално ја злоставувал во период од шест недели меѓу април и мај 1965 година.
Се тврдеше и дека пејачот, наводно, „го злоупотребил својот статус на музичар“ за да ѝ обезбеди алкохол и дрога на тужителката. Таа тогаш имала 12 години.
Добитникот на Нобеловата награда за литература за 2016 година, Боб Дилан (81), се смета и за еден од најголемите музичари и кантавтори на 20. век.
Би можело да ве интересира
Роби Вилијамс откако драстично ослабе откри дека боледува од психолошко пореметување
Марк Антони седми пат ќе стане татко, чека бебе со триесет години помладата сопруга
Кучињата плачат од среќа кога ќе се сретнат повторно со сопствениците
Елизабета Втора сака Камила да биде кралица кога Чарлс ќе стане крал
Мексиканска актерка е убиена на улица додека го чекала синот од фудбал
„Никогаш не е многу од мостови на Балканот“, вели Милчо Манчевски во интервју за „Кориере дела сера“ во Рим
