Француски слаткар направи чоколадо со лут вкус

Чоколада со најлутото пиперче во светот „каролина рипер“ беше претставено на францускиот фестивал за чоколадо од производителот Дамијан Видал.

Покрај традиционалните состојки како малина, ликер и маракуја, топчестата чоколада „Bille en tete“ е зачинета и со најлутото пиперче на светот, според Гинисова книга на рекорди.

Чоколадните топчиња консументите ги опишуваат како благи и зачинети, но не премногу. А жештината од лутото пиперче се чувствува на крајот.

Наградуваниот слаткар Видал вели дека одложениот ефект е токму она што сакал да го постигне, благо и нежно во почетокот, а потоа експлозија на вкусот, што се намалува по неколку минути.