пред 2 години Чилеанските власти истражуваат огромна дупка со дијаметар од 25 метри и длабока 200 метри, која ненадејно се отвори за време на викендот во рударска област во земјата.
Локалните медиуми објавија воздушни снимки од дупката лоцирана на имотот на компанијата „Лундин Мајнинг“, на околу 665 километри северно од главниот град Сантијаго. Националната служба за геологија и рударство дознала за дупката во саботата и веднаш испратила експерти на местото на настанот.
„Многу е длабоко, околу 200 метри. Не утврдивме што точно има на дното, но знаеме дека има многу вода“, вели директорот на службата Дејвид Монтенегро.
Целиот простор е затворен, а во близина на дупката има влез во рудникот „Алкапароса“. Од „Лундин мининг“ наведуваат дека дупката не претставува опасност по животот на вработените и не влијае на нивните активности, но дека тие го изолирале просторот околу неа и пријавиле до надлежните служби. Од компанијата велат дека се врши техничка анализа за утврдување на причината.
Најблиските домови се оддалечени околу 600 метри, а првото населено место е на повеќе од еден километар од зоната на дупката.
Huge sinkhole of 25 meters in diameter, appears in an area of Tierra Amarilla, #Atacama, #Chile. (01.08.2022). pic.twitter.com/EbM7RBn5yd
— The informant (@theinformantofc) August 2, 2022
Би можело да ве интересира
Амал Клуни е непогрешлива во модните избори: Нејзиниот есенски стајлинг е идеален за активен ден
Георгина открива кое е најчудното место на кое имала секс со Роналдо
Со фиќо ја поминaвме цела Европа, а татко ми не престануваше да не фотографира: Ребека го разбуди сеќавањата на детство
(Видео) Полицаецот не знаеше дека го претресува фудбалерот на Милан, па откако колегата му кажа реакцијата му беше хит
Бен Афлек му даде ламборгини на 10- годишниот син, а тој го удри во БМВ
Променливо време и дожд, па големо затоплување пред крајот на неделата
