Во Хрватска над 1.000 починати од Ковид-19 од почетокот на пандемијата

Во последните 24 часа, во Хрватска се регистрирани 2.866 нови случаи на коронавирус, а 38 лица починале, со што вкупниот број на смртни случаи од последиците на Ковид-19 се искачи на над 1.000.

Бројот на активни случаи во Хрватска денес е 17.090, од ​​кои 1.655 пациенти се во болница, а 184 пациенти се на респиратор, објави Националниот штаб за цивилна заштита.

Од 25 февруари, кога е регистриран првиот случај на инфекција во Хрватска, досега биле заразени вкупно 81.844 лица, од кои 1.006 починале, а вкупно се опоравиле 63.748 лица, од кои 2.444 во последните 24 часа.

Во моментов има 41.615 лица во самоизолација, пренесува хрватски Индекс. До денеска се тестирани вкупно 611.357 лица, од кои 9.614 во последните 24 часа.