пред 4 години Италијанските власти потврдија дека ќе отворат истрага за тестот за државјанство на Луис Суарез во септември, со сомнежи дека се работи за нелегална процедура помогната од најмоќните луѓе на шампионот Јувентус.
Суарез беше на тест за италијански јазик на Универзитетот во Перуџа по шпекулациите дека Јувентус сакаат да го откупат од Барселона, а веќе имаат пополнето квота на играчи надвор од ЕУ. Овој трансфер не се случи и Суарез на крајот замина во Атлетико Мадрид.
Обвинителството во Перуџа потврди дека ректорот на Универзитетот, Џулијана Греко, директорот на Универзитетот, Симоне Оливиери и професорите Стефанија Спина и Лоренцо Рока се суспендирани на осум месеци поради „објавување на професионални тајни“.
„Соддржината на тестот предвреме му била дадена на фудбалерот, за тој да може да ги исполни условите по барањето на Јувентус за подобрување на личниот имиџ и тој на Универзитетот. На почетокот на септември, менаџерскиот тим на Јувентус на највисоко ниво сакале да го забрзаат доделувањето државјанство на Суарез“, се вели во одлуката на обвинителството.
Би можело да ве интересира
Мбапе спречи пораз на Франција, Хрватска победи во Копенхаген
Лапровитола од Реал во Барселона
Суарез доминираше во Кадиз, Атлетико чекор поблизу до титулата
Специја ја елиминираше Рома во драматичен меч со два црвени картони за 30 секунди
Погба: Молчете кога не знаете што се случува
Ако Србија се пласира на ЕП секој играч ќе добие по 100.000 евра
