Бројни експерти ја потврдуваат важноста на витаминот Д во зачувување на имунитетот и препорачуваат земање на истиот додека трае пандемијата на коронавирусот.

Неодамна, фризерката Ерика Вестбрук, сопственичка на еден фризерски салон во Тексас, објавила видео кое набрзо стана вирално, а во кое покажува што може да биде показател дека патите од недостаток на витамин Д.

Таа тврди дека е доволно да ја исчешлате вашата коса додека е мокра, за да се уверите дали ви недостасува важниот витамин. Ова го покажала преку пример на своја клиентка – додека ја чешлала, од нејзината коса паѓале огромен број мртви влакна.

„Вака изгледа недостаток на витамин Д. Ако вашата коса изгледа вака додека ја чешлате, би требало да посетите лекар“, порачува Ерика во видеото.

https://www.tiktok.com/@westbrookco.thesalon/video/6905364951532096774?referer_url=https%3A%2F%2Ftocka.com.mk%2F&referer_video_id=6905364951532096774

По низа тестови се утврдило дека нејзината клиентка навистина имала ниско ниво на витамин Д во организмот.

За потсетување, секој ден бројот на рани и доцни симптоми на коронавирусот се зголемува, а помеѓу останатото, вирусот го нарушува и здравјето на косата и кожата. Дифузното опаѓање на косата по инфекција со коронавирус е забележано кај околу 30 отсто од пациентите, а тоа се воглавно лица кои развиле средно тешка и тешка клиничка слика, пропратена со висока телесна температура.