пред 3 години Селекторот на македонската фудбалска репрезентација, Игор Ангеловски по веста дека играчот од средниот ред во селекцијата – првотимецот на шпански Леванте, Енис Барди е позитивен на коронавирусот на социјалните мрежи упати поддршка.
Веднаш штом стигнал во Скопје, Барди бил подложен на ПЦР тест кој покажал дека е заразен со вирусот, па ќе мора да биде во изолација одреден период и ќе пропушти дел од подготовките со репрезентацијата кои започнуваат со првиот тренинг попладнево.
„Сите сме со тебе Енис Барди. Без тебе не тргнуваме за Букурешт“ – напиша селекторот Ангеловски на социјалните мрежи и прикачи фотографија на која се тој и креативецот кој е мајстор за слободни удари во нашата селекција.
Од сите репрезентативци кои вчера го имаа првиот собир, само Барди е позитивен на Ковид 19. Веднаш е ставен во изолација и ќе биде под постојан лекарски надзор.
Репрезентацијата на Македонија за Букурешт заминува на 8. Јуни, а претходно планирано е како подготовка да се одиграат два тест меча со Словенија и Казахстан во Скопје.
Прогнозите се дека Барди ќе биде подготвен за првиот предизвик на Македонија на ЕП.
Би можело да ве интересира
„Малиот“ Мбапе останува во ПСЖ, големиот уште е несигурен
Вечното дерби во финалето на Купот
На Зидан му се допаѓаше „одмаздата“ на Касемиро кон Џејмс Милнер
Неверојатна сцена од Дакар – хеликоптер го „закачи“ второпласираниот камион
Неговата плата е товар за клубот – Јувентус ќе се разделат со Роналдо
„Надал е мојот најголем ривал“
