пред 3 години Партијата на слободата на Австрија (ФПО) поднесе жалба против австрискиот канцелар, како и други политичари, за забава по учеството во ТВ емисија.
Имено, партијата наведува дека канцеларот Александар Шаленберг, како и други политичари, по учеството во хуманитарната емисија на јавниот сервис, отишле на забава.
Покрај канцеларот, во емисијата учествуваа и австрискиот претседател Александар ван дер Белен, вицеканцеларот Вернер Коглер, министерот за здравство Волфганг Микштајн, министерката за одбрана Клаудија Танер, министерот за внатрешни работи Карл Нехамер, министерката за туризам Елизабет Кестингер и министерот за труд Мартин Кохер, но и лидерката на опозициската Социјалдемократска партија Памела Ренди Вагнер.
Фотографиите од телевизијата предизвикаа бројни дебати во јавноста, бидејќи покажуваат како политичарите уживаат и не носат маски и покрај карантинот и строгите мерки за обичните граѓани.
Од Партијата на слободата имаат поднесено пријава за прекршување на епидемиолошки мерки при што како доказ е приложено видео и фото материјал, пишуваат австриските медиуми.
Тужба против претседателот, канцеларот и други политичари поднел и адвокатот од Долна Австрија, Стефан Данзингер, кој моментално е во карантин поради коронавирусот.
Би можело да ве интересира
Исчезнатата американска актерка пронајдена мртва
Кувајт почна итна јавна кампања за помош на Палестина
„Астразенека“ сoкрила 30 милиони вакцини во Италија
Јужна Африка е првата земја која почна да ја користи вакцината на „Џонсон и Џонсон“
Турција откри големо наоѓалиште на злато во вредност од шест милијарди долари
Во Србија 341 новозаразен и еден починат од Ковид-19
