пред 3 години Македонскиот тапанар Гаро Тавитјан ја сними песната Revitalization со Френк Гембел. Видеото, на кое гостува и постариот брат на Гаро, Диран Тавуитјан, го објави светската компанија Зилџан. Ова видео е дел од серијата Artist Spotlight, која Зилџан ја реализира последниве години.
„Ова беше многу долг процес и не го сметам само за мој личен успех. Тоа е тимска работа од многу години со моите најблиски и нивната поддршка беше клучна. Чест ни е што ја ставаме македонската и скопската култура во светската музичка историја“, напиша Гаро на Фејсбук.
Музиката, аранжманот и продукцијата се на Гаро, Френк Гембел свири на гитара, а Диран на пијано соло.
„Ѝ благодарам на нашата сцена и на останатите земји каде настапував долги години и се надоградував, а посебно на американските концертни сали и компании каде влегов во светските Блу ноут, Карнеги хол, Нублу, Вик фирт каде сум заштитно лице, Модерн драмар, Ремо и останати институции. Благодарам и на сите наши феноменални музички колеги и пријатели во Скопје и низ цела држава“, додаде Гаро.
Гаро изминатите години стана заштитно лице на бројни компании кои се важни во светот на тапанарите, а неодамна доби и палици од компанијата „Вик фирт“ со негов потпис.
Би можело да ве интересира
Марија Шерифовиќ го изгуби пасошот на аеродром и доживеа драма во авион
Георгина му купи Ролс-Ројс на Роналдо за Божиќ
Кристина Димитриевска и диџеј Боно ќе пејат во Лешок пред концертот на Саша Ковачевиќ
(Видео) Прекрасната божиќна традиција на навивачите на Бетис, фрлаа плишани мечиња за сиромашните деца
Ни Македонците не би го препознале: Хрватските фанови незадоволни од споменикот на Тоше во Нова Градишка
Македонија ќе учествува на Детската Евровизија во Париз
