пред 3 години Данска и САД почнаа разговори за нов договор во областа на одбраната, кој би можел да опфати присуство на американски војници и воена опрема на данска територија, изјави денеска премиерката на таа скандинавска земја Мете Фредериксен.
Разговорите, побарани од Вашингтон, доаѓаат откако САД ја зајакнаа воената соработка со Норвешка и балтичките земји во претходните години, рече Фредериксен.
– Ваквиот директен договор меѓу САД и Данска ќе отвори нова соработка и активности во бројни избрани воени области во Данска – рече таа на прес-конференцијата.
Таа додаде дека договорот може да вклучува и присуство на американски војници во Данска.