(Видео) Руска инфлуенсерка во солзи затоа што го изгуби „Инстаграм“

Откако беше соопштено дека Русија ќе ги згасне 80 милиони Инстаграм профили на корисниците во Русија, голем број од инфуенсерките во оваа земја се загрижија за својата иднина. Една од нив испрати порака објаснувајќи дека Инстаграмот ѝ е повеќе од заработка.

Таа не криеше колку е погодена од одлуката да се забранат социјалните мрежи во земјата, откако Русија изврши инвазија врз Укрина. Плачејќи објасни дека во моментов таа минува низ тежок период. Но, наместо да добие сожалување, таа предизвика гнев во јавноста.

„Мислите дека за мене како инфлуенсерка Инстаграмот е само извор на заработка? За мене тој беше живот, мојата душа. Со него се будев и станував секој ден во минатите пет години“, рече таа.

One of the #Russian bloggers cries that in two days her Instagram will stop working

She does not care at all about the thousands of dead people, including her compatriots. Obviously, her biggest worry right now is that she won’t be able to post pictures of food from restaurants. pic.twitter.com/LSdBiSlwHr

— NEXTA (@nexta_tv) March 11, 2022

Нејзиното видео го сподели агенцијата насочена за разоткривање на реалниот живот под власта на Путин Nexta, а беше видено од 1,7 милиони луѓе. Агенцијата објасни дека на Русинката не ѝ било гајле за многуте луѓе и изгубени животи во војната во Украина.

„Изгледа дека на неа не ѝ се важни илјадниците мртви луѓе, вклучувајќи ги и нејзините сонародници. Единствена грижа ѝ е што нема да може да објавува фотографии од рестораните во кои оди“, објаснија од Nextа.

Наместо да добие сожалување, таа повеќе наиде на остри критики и коментари.

„Нека дојде во Харков. Таму сè уште Инстаграм работи“, ѝ напиша еден фан додека другите објавија видеа и фотографии од гранатираните места и убиените цивили, посочувајќи дека тоа е вистинската причина за која треба да жали.