пред 2 години Газдата на Јувентус, Џон Елкан инсистира дека клубот не е поставен на продажба бидејќи не сака да ја напушти една од големите страсти на негвиот дедо, Џани Ањели.
Во интервју за францускиот финансиски весник „Лес ехос“, Елкан зборуваше за проблемите со кои се соочува Јувентус, откако неговиот братучед Андреа Ањели во ноември си поднесе оставка од позицијата претседател на Јувентус, а клубот неодамна беше казнет со 15 поени поради финансиски нерегуларности, со нови казни на повидок.
„Андреа останува акционер во нашата холдинг-компанија ‘Џовани Ањели БВ’, каде што е дел од бордот. Тој завршуваше одлична работа како претседател на Јувентус 10 години, пред да се повлече за подобро да може да се одбрани од обвинувањата, кои досега не беа докажани. Семејството Ањели е на чело на Јувентус 100 години и тоа е врска која помина низ многу кризи. Нема шанси за продажба. Секогаш сум ја ценел храброста на мојот дедо, и секогаш ќе ја паметам лекцијата – кога да се преземе одговорност“, вели Елкан.
Би можело да ве интересира
Роналдо со гол број 800 и 801 за драматична победа над Арсенал во „англиска класика“
Злато за Рубљов и Пављученкова во руското финале
Баркли: НБА нема мадиња да го казни Леброн
Обвинителите бараат одземање на Поршето на „Лордот“ Бендтнер
Барса под критики – каков клуб праќа 17-годишник да се правда по пораз?
Гол во последната минута – Раџа Казабланка ја освоија титулата во Мароко
