пред 2 години Белорускиот претседател Александар Лукашенко потпиша закон со кој се воведува смртна казна за државни службеници и воен персонал. Медиумите пренесуваат дека со тоа сака да си ја осигура лојалност на државните службеници и воениот апарат.
Казната ќе важи за сите кои ќе бидат прогласени за виновни за велепредавство, со што на националната безбедност на Белорусија ѝ нанесле непоправлива штета. Толкувањето на ова е оставено на судовите.
Обичните граѓани може да бидат казнети за терористичка пропаганда, „понижување на воените сили и повреда на прописите за заштита на државна тајна. Слични репресивни параграфи усвои и Русија по почетокот на инвазијата на Украина.
Законот доаѓа по нападот на 26 февруари врз руски воен авион во близина на главниот град на Белорусија од страна на белоруски герилци. Лукашенко претходно оваа недела објави дека главниот осомничен, Украинец, како и 20 негови наводни соучесници се уапсени.
За потсетување Белорусија е последна европска земја во којашто сѐ уште се спроведува смртна казна. Смртните казни се спроведуваат со стрелање.
Би можело да ве интересира
Ким Џонг-ун нареди сите што се викаат како ќерка му да си ги сменат имињата
Научниците создадоа јахта за оние кои сакаат да го преживеат крајот на светот
Почина фудбалскиот агент Мино Раиола, два дена откако медиумите објавија лажна вест дека е мртов
Откако се откажа од круната принцезата Мако волонтира во музејот „Метрополитен“ во Њујорк
(Видео) Прекрасната божиќна традиција на навивачите на Бетис, фрлаа плишани мечиња за сиромашните деца
Ни Македонците не би го препознале: Хрватските фанови незадоволни од споменикот на Тоше во Нова Градишка
