пред 5 часа Прилеп добива нова инфраструктурна инвестиција која треба да придонесе за економскиот развој на градот и привлекување нови инвеститори. Градоначалникот на Општина Прилеп, Дејан Проданоски, информираше дека се наоѓа во завршна фаза изградбата на новата сервисна улица во индустриската зона кај „Жито Прилеп“.
Станува збор за сервисна улица во должина од 392 метри, која е дел од напорите на локалната самоуправа за подобрување на условите за работа и развој на стопанството.
Проектот предвидува изградба на улица со вкупна ширина од 10 метри, коловоз широк седум метри со две сообраќајни ленти, како и тротоари од двете страни за побезбедно движење на пешаците. Во рамки на инвестицијата се реализираат и фекална и атмосферска канализација, водоводен систем и современо улично осветлување.
Според Проданоски, со изградбата на оваа инфраструктура се создаваат предуслови за отворање нови производствени капацитети и нови работни места за граѓаните на Прилеп.
„Ова е уште една значајна инвестиција со која ја подобруваме инфраструктурата и ја зајакнуваме локалната економија. Ги повикувам домашните и странските инвеститори да ја препознаат Општина Прилеп како сигурен и сериозен партнер за реализација на нивните бизнис идеи“, истакна Проданоски.
Тој додаде дека Општина Прилеп и во наредниот период ќе продолжи со реализација на проекти кои ќе придонесат за подобрување на условите за живот и економскиот развој на градот.
Би можело да ве интересира
Мажите родени во овие хороскопски знаци се совршен материјал за брак
Илина Соколовска влезе во финале и освои седмо место на германското првенство по ритмичка гимнастика во Вестербург
На погребот правеа журка: Џеј Ло, Бен Афлек, Ким Кардашијан, Алиша Кис, Џејми Фокс со забава го испратија славниот милионер
(Галерија) Мет гала 2021: Најдобрите, најлошите и најоткачените комбинации на црвениот тепих во Њујорк
Актерот Славко Штимац во болница поради компликации од Ковид-19
(Видео) Ѓоко Ѓорчев и Кате Брезова снимија дует во пресрет на Свети Трифун
