пред 4 години Со четвртиот пакет економски мерки 470 милиони евра ќе бидат искористени за помош и поддршка на економијата, за спас на работни места и зајакнување на приватната потрошувачка, изјави портпаролката на СДСМ, Богданка Кузеска.
„Со 70 милиони евра ќе се поддржи исплатата на 250.000 плати во последните три месеци од годинава и ќе се помогнат 83.000 работни места. 27, 6 милиони евра ќе завршат кај 283.000 граѓани, преку платежни картички од по 6.000 денари. Во време на сериозна здравствена и економска криза државата застанува зад секој поединец, зад секоја компанија. Следуваат грантови за туристички агенции, ресторани за свадби и игротеки за деца, во вкупна вредност од 5.4 милиони евра“, рече таа.
Само преку овие три мерки, додаде Кузеска, над 100 милиони евра завршуваат директно кај стотици илјади граѓани, како помош во справување со негативните последици од коронакризата.
„Од почетокот на кризата па се до денес, Владата предводена од СДСМ покажува континуирана и вистинска грижа за граѓаните и за нашата, македонска економија. Со четвртиот пакет мерки никој не е оставен сам. Како одговорна партија, продолжуваме да работиме уште подобро и да помагаме уште повеќе, за брзо надминување на последиците од економската криза“, изјави Кузеска.
Би можело да ве интересира
„Еуроникел“ втор ден на протести: Исплатете го августовското ДДВ за да земеме плата
„Визер“ најавува нова рута од Скопје до Салцбург
Во Велика Британија највисока инфлација во последните 40 години
Ковачевски во Александрyполи: Ова е историски настан за земјите од регионот во делот на енергетиката
Исплатени над 151 милиони денари на сметките на лозарите
Итно повлечени сладоледи од пазарот во Македонија
