пред 4 години Министерот за правда Бојан Маричиќ по состанокот на Советот за реформи во правосудството изјави дека следната година ќе се направи најавената филтрација на судството. Според министерот преку овој процес ќе се врати изгубената доверба на граѓаните во правната држава.
„После цела една година се состана ова тело и се донесоа важни одлуки. Пред сè, се усвоија интерните планови на Судскиот совет за проверката на работата на судовите, претседателите на судовите и судиите, а исто и методологијата за оценување на судиите и претседателите на судовите. Тоа е главна алатка за најавеното филтрирање и проверка на работата на судиите и судовите“, изјави Маричиќ.
На седницата беше разгледан и поддржан правилникот за оценка на работата на јавните обвинители, кој се носи како резултат на веќе донесениот Закон за Јавно обвинителство.
„Мислам дека се создадени сите услови и во судството и во обвинителството да имаме една квалитетна проверка и едно професионално проверување на работата и на судството и на обвинителството“, изјави Маричиќ.
Би можело да ве интересира
Ковачевски од Струмица: Инвестираме во градинките како никогаш досега
Во Алтернатива постои поделеност дали да биде дел од Владата, разговорите ќе продолжат следната недела
Притвор за разбојник од Дебреште кој влегол во куќа и под закана со пиштол ограбил жена
417 возачи казнети за брзо возење
Се зголемуваат цените на бензините и на дизелот
(Видео) Пендаровски-Вархеји: Извештајот претставува чекор кон формален почеток на пристапните преговори
