пред 3 години Во интервју за српскиот весник „Политика“ претседателот на СДСМ, Зоран Заев, зборуваше за повеќе актуелни теми во пресрет на вториот круг од локалните избори.
Одговарајќи на прашањето дали се планираат предвремени парламентарни избори, Заев истакна дека нема потреба од нови избори и дека парламентарното мнозинство е стабилно и може дополнително да расте.
„Државата има стабилна влада – демократска, европска, мултиетничка. Владата е столб кој го чува курсот кој сите заедно си го зацртавме и по кој се движиме напред. Коалицијата на Владата е стабилна и очекувам да расте. Не ни требаат нови избори. После долго време конечно имаме 2,5 години пред нас, период без избори, тоа е ретка можност. Тоа е она што го бараат граѓаните и она што е неопходно за економските перспективи. Јас цврсто стојам на тоа дека треба да се зграби оваа можност и државата веднаш после овие избори да продолжи напред кон раст на платите и пензиите и кон отворање на нови 150.000 работни места колку што имаме испланирано за следните години“, изјави Заев за „Политика“.
Би можело да ве интересира
Законот за работни односи, за кој што беше тепачката, остана неизгласан
СДСМ: ВМРО-ДПМНЕ намерно пласира дезинформации за Законот за наставници
Откриен oмикрон кај 9 пациенти од Скопје и Кочани
Приведени две лица од Скопје за криумчарење мигранти
Мицевски: Јасно е кој го блокира Собранието и на кој не му е грижа за здравјето на граѓаните
Владина делегација предводена од Груби го посети Музејот на албанската азбука во Битола
