пред 4 години Продолжува поддршката за стопанството и работниците преку навремените и ефикасни економски политики на Владата предводена од СДСМ и премиерот Зоран Заев, истакна пратеничката на СДСМ, Даниела Маркоска.
„Продолжува реализацијата на бескаматната кредитна линија со грант компонента ,,Ковид 3”, која се реализира со финансиска поддршка од Европската Унија. Досега, одобрени се 2.583 кредитни барања во вкупен износ од 29,3 милиони евра“, рече Маркоска.
„Според структурата на одобрените кредитни барања, 1.368 кредитни барања се од мали компании, 999 се од микро компании, 164 кредитни барања се од трговци-поединци, додека 52 кредитни барања се од занаетчии. Вкупниот буџет за оваа кредитна линија за бескаматни кредити кои се реализираат преку Развојната банка изнесува 31 милион евра“, информира Маркоска.
Според неа, ова се финансиски средства кои завршуваат како директна помош во македонската економија во справувањето со последиците од коронакризата и зајакнување на ликвидноста на малите и микрo компании како и на занаетчиите и самостојните вршители на дејност.
Би можело да ве интересира
Нов член во семејството на СОС Детско село
В четврток закажана седницата за гласање доверба на Владата
Пресечен меѓународен транспорт на дрога од Албанија за Грција, вреден 200.000 евра
(Видео) Кузеска: Мицкоски и ВМРО-ДПМНЕ денеска го слават насилството и режимот
За викенд студено со сончеви периоди и врнежи од снег
Шилегов: Македонскиот народ успеа да се избори за слободата благодарение на храбрите херои
