пред 3 години На предлог на Министерството за одбрана, Владата на денешната седница ја усвои Информацијата и го донесе Годишниот план за склучување на договори за набавка на стоки, услуги и работи во областа на одбраната и безбедноста, со влади на странски држави за 2022 година.
Како што информираат од владината прес-служба, планот содржи 8 проекти кои ќе се реализираат преку склучување на договори за набавка на стоки, услуги и работи во областа на одбраната и безбедноста, со влади на земји членки на НАТО.
„Согласно Планот за модернизација на Армијата се предвидени набавки на лесни оклопни возила на тркала (проект во континуитет), специјални возила за посебни намени, артилериски системи 105 мм и муниција 105 мм, ПВО систем на многу мали височини, ремонт на транспортни хеликоптери, опрема за извидување и разузнавање, комплет за контрола на здружен оган Joint Terminal Attack Controler (JTAC) и лесни оклопни борбени возила за специјални сили“, се наведува во соопштението.
Во него се нагласува и дека со наведената опрема ќе се зголеми опременоста на Армијата и нејзината интероперабилност со армиите на сојузничките земји.
Би можело да ве интересира
Казнети 43 мотоциклисти во Кумановско
(Видео) Стоилковски: Ковачевски покрај декан именувал и продекан во извршниот одбор на СДСМ
(Видео) Милошоски: Време е за обединување, а Митко Јанчев е показател за тоа
Награди од по 10.000 денари за пожарникарите кои го гаснеа пожарот кај Кочани
„Мерцедес“ удри во 33-годишна жена во Тетово
Спасовски на министерски форум на ЕУ за борба против криминалот и илегалната миграција
