Гостиварци со возило удриле во човек, а потоа излегле и го натепале

Приведени се две лица од Гостивар кои во близина на бензинска пумпа удриле во човек со кој и претходно имале недоразбирање, а потоа физички го нападнале.

„На 04.03.2022 во 15.30 часот во Гостивар од полициски службеници од Полициска станица Гостивар се лишени од слобода А.П.(51) и Х.П.(48) двајцата од Гостивар затоа што околу 12,40 часот во Гостивар во близина на бензинска пумпа додека А.П. управувал патничко моторно возило „мерцедес“ со гостиварски регистарски ознаки, во кое бил и Х.П., го удриле со возилото С.А.(56) од с.Дебреше со кого и претходно имале недоразбирање а потоа излегле од возилото и физички го нападнале“, соопшти МВР.

По настанот, возачот бил пренесен во Комплексот клиники „Мјака Тереза“ за укажување лекарска помош.

По целосно документирање на случајот ќе биде поднесен соодветен поднесок.