Нов земјотрес со јачина од 4,8 степени ја стресе Македонија

Нов земјотрес со магнитуда од 4.8 степени повторно ја стресе Македонија во 15:25 часот попладнево. Земјотресот е со епицентар во Кичево, според интернет сервисот „Earthquake“.

Ова е втор земјотрес по јачина, по утринскиот кој беше со магнитуда од 5.5. Попладневниот земјотрес беше почувствуван во повеќе градови низ државата, меѓу кои и Скопје.

Земјотресот од пет степени според Рихтервата скала, кој рано утрово се почувствува во земјава е нормална сеизмичка активност на раседот Дебар – Елбасан, а нови потреси, но со помал интензитет се сосема очекувани, вели за „Макфакс“ професорот Михаил Гаревски, директор на Институтот за земјотресно инженерство и климатски промени.

Европско – медитеранскиот сеизмолошки центар по првиот најсилен земјотрес, во Македонија бележи уште четири земјотреси со јачина од 2,8 до 3,8 степени според Рихтер.