пред 4 години Советот на Општина Центар додели парична помош во висина од 400.000 денари на градовите Петриња и Сисак во Хрватска.
„На предлог на градоначалникот на Општина Центар, Саша Богдановиќ, на вчерашната седница едногласно од страна на сите советници беше изгласана помошта за граѓаните на Петриња и Сисак во Хрватска по разорниот земјотрес кој се случи на 29-ти декември минатата година“, соопштија од Општината.
Земјотресот чиј епицентар беше близу до Петриња, на 50-тина километри од главниот град на Хрватска, Загреб, одзеде најмалку седум животи, многумина ги остави без домови и покрив над главите и целиот град го претвори во рушевина.
Средствата ќе бидат уплатени во Фондот за солидарност на посебната сметка на Црвениот крст на Република Северна Македонија и во најбрз можен рок ќе им бидат достапни на граѓаните на Петриња и на Сисак.
Би можело да ве интересира
Казни за 39 возачи на мотоцикли во Гостивар
Да се реализира ветувањето за 40 отсто повисоки плати во јавното здравство, бара синдикатот на Клиничкиот центар
Загина градежен работник во Гевгелија паѓајќи од скеле
Вкупно 685 лице се лекуваат од коронавирус во болниците низ земјата
Обвинение против скопјани кои одгледувале марихуана во викендичка во Визбегово
Царовска: За наставата да продолжи на начинот на којшто ја започнавме, мора да се почитуваат мерките
