пред 4 години Основното јавно обвинителство Скопје денеска поднесе Обвинителен акт против 21-годишен скопјанец за убиството на Никола Саздовски познат како Саздо.
„ Обвинетиот, заедно со уште две лица за кои постапката беше радвоена и за кои веќе е донесена првостепена пресуда на Основниот кривичен суд Скопје, на 29.06.2018 година на свиреп начин го лишиле од живот оштетениот Никола Саздовски. Тие му пристапиле на оштетениот на автобуска постојка на булеварот „Александар Македонски“ и му побарале лична карта. Кога оштетениот им ја покажал, тие му се обратиле со зборовите „А ти си тој Никола Саздовски викан Саздо“, по што сите тројца заедно започнале да го удираат со боксови во главата и градите. Од силината на ударите оштетениот изгубил рамнотежа и паднал на тротоарот, по што обвинетите продолжиле со клоци да го удираат во градите и главата. Од ударите Саздовски западнал во коматозна состојба и како резултат на наесените тешки телесни повреди починал на 09.07.2018 година на Одделението за анестезија и реанимација при Универзитетската клиника за трауматологија, ортопедски болести, анестезија, реанимација, интензивно лекување и ургентен центар – ТОАРИЛУЦ“ соопшти ОЈО.
Со Обвинителниот акт јавниот обвинител до Основниот кривичен суд Скопје достави и предлог за продолжување на претходно определената мерка притвор, поради опасност од бегство на обвинетиот и можност тој да влијае врз сведоците.
Би можело да ве интересира
Ковачевски: Дигитализацијата приоритет за подобар квалитет на живот
Променливо облачно и посвежо со повремени врнежи од дожд
Возило излетало на патот Охрид-Кичево
(Видео) Арсовски: Раководството на ГТЦ преку цензура се обидува да заштити криминал
(Видео) Откриена работилница за оружје во Топанско поле, приведени две лица
(Видео) ЕПИ: Со медијација до помалку судски спорови и помали трошоци за граѓаните
