Приведен скопјанец, при претрес кај него полицијата пронашла оружје

30-годишен скопјанец е лишен од слобода откако при претрес кај него полицијата пронашла оружје.

Имено, денеска полициски службеници од Одделот за криминалистичка полиција – Сектор за недозволена трговија со дрога, оружје и опасни материи во координација со полициски службеници од СВР Скопје – Единица за недозволена трговија со дрога и оружје го лишија од слобода С.Л.(30) од с.Љуботен, Скопско.

При претрес во неговиот дом, извршен со судска наредба, бил пронајден и одземен пиштол „застава М70“ калибар 7,65 мм со 12 куршуми.
Тој бил приведен во полициска станица и по целосно документирање на случајот против него ќе биде поднесена пријава по член 396 од Кривичниот законик.