Растурена роденденска забава во стан во Центар, запленета дрога и приведени 13 лица

Полицијата вчера растури забава во стан во центарот на Скопје и пронајде повеќе пакувања со кокаин, марихуана, екстази, амфетамин, хашишово масло и друга дрога. Приведени се 13 лица, на возраст од 22 до 31 година.

Според информациите на МВР, полициски службеници од секторот за недозволена трговија со дрога вчера околу 21.30 часот извршија претрес на дом, по претходно обезбедена наредба од Основен кривичен суд Скопје, во стан во центарот на Скопје, сопственост на правно лице.

При претресот се затекнати 13 лица кои присуствувале на роденденска забава, а пронајдени се повеќе пакувања со кокаин, марихуана, екстази, амфетамин, хашишово масло и друга дрога.

Приведени се М.К. (22), В.А. (28), М.И. (28), С.Г. (23), Р.Ј. (22), Р.В. (31), Г.А. (23), Н.К. (22), П.Г. (27), М.И. (21), Н.Ш. (23), Т.П. (22) и В.М. (23).

Од МВР велат дека дел од лицата биле и затекнати додека консумирале дрога.

Против сите приведени ќе биде поднесени соодветни пријави до надлежното обвинителство.