Облачно и студено време

Времето денеска ќе биде умерено до значително облачно и студено и ќе дува умерен, a вдолж Повардарието повремено засилен ветер од северен правец, информираат од УХМР.

Максималната температура ќе биде во интервал од 2 до 10 Целзиусови степени.

Во Скопје, претежно облачно и студено со умерен до повремено засилен северен ветер. Максималната температура ќе достигне до 6 степени.

Во наредните денови следува период на умерено до значително облачно и студено време со умерен до засилен северен ветер, најизразен вдолж Повардарието.

В петок попладне, во текот на ноќта и во сабота ќе има повремени локални врнежи од снег.